Stichting Fundacion Lotto Pa Deporte
Fundacion Lotto pa Deporte ta licensia pa opera e loteria nacional – Lotto cambiando bida – cu ta ofrece e weganan di suerte bon conoci na Aruba.
Nos mision ta pa contribui na un Aruba feliz y activo pa medio di contibucionnan financiero mensual na Stichting Sportsubsidie Aruba.Tambe nos proposito ta pa cambia bida di nos hungadonan door di ofrece premionan atractivo pa nos weganan.
Nos Contribucion Na Aruba
Weganan di Lotto ta organisa di tal forma cu nan ta genera hopi ganado. E premionan di lotto ta varia di premionan chikito te cu premionan miyonario.
E miyones di florin cu ta contribui cada aña na Stichting Sportsubsidie Aruba ta haci posibel cu e cantidad di federacionnan deportivo riba nos isla por yega na material y entrenamento y tambe por atende competencianan internacional den exterior. Lotto, E Loteria di Aruba, unda cu tur hende na Aruba ta gana!
Financiamento Publico Di Deporte
Fundacion Lotto pa Deporte ta orguyoso pa ta un di e dos sponsornan principal di deporte na Aruba. Nos loteria nacional ta responsabel pa genera 4 pa 6 miyon florin anualmente pa distribui na federacionnan di deporte pa medio di Stichting Sportsubsidie Aruba. Pero tambe ta haci pago riba prestamo di aproximadamente 2.2 myon florin anualmente. E pagonan aki ta relata na debe crea den pasado pa construccion di algun facilicidad deportivo.
Apart di Fundacion Lotto pa Deporte, Gobierno di Aruba tambe ta contribui na deporte door di subsidia diferente fundacionnan manera IBISA, ASU, COA y FFD cu mas di 6 miyon florin anualmente. E 2.95 miyon florin cu FFD ta ricibi tur aña ta destina pa mantencion di facilidadnan deportivo na Aruba.
